شمسك بتشرق عَ كلّ السما ونورك بضوي عَتام الليل رجالك عزّ، ونخوة، وكرم عَ الجود تربّوا، ما هانوا ضيف أهلك هُمّ الشّهامة والإبا حكايتهم عَ الراس مرفوعة قصّة عزّ مكلّلة بالغار وانتصارات بسواعد مصنوعة يا بعلبك يا سِحر المجد إسمِك عَ وجه الدهر مرسوم للشعر، للفن، والتاريخ عنوانِك بالقلعة مختوم قلعتِك مزيونة بالهيبة وعواميدِك الستّة شامخة بالحجر انكتبت البطولة وبكلّ ركن فيك حكاية صارخة بعلبك يا مهد الحضارة إسمِك عَ المجد اعتلا والتاريخ حكى عنك بحبّ ودوّن آثارك على كلّ الملا
هيام محمد الرفاعي
